មិនបានផ្ទៀងផ្ទាត់
សាកលវិទ្យាល័យមេគង្គកម្ពុជា គឺជាគ្រឹះស្ថានអប់រំឯកជន ដែលត្រូវបានបង្កើតឡើងក្នុងឆ្នាំ២០០៣។ សាកលវិទ្យាល័យមេគង្គកម្ពុជា មានទីតាំងនៅលើបណ្ដោយផ្លូវកងយុទ្ធពលខេមរភូមិន្ទ ក្នុងខណ្ឌសែនសុខ។
សាកលវិទ្យាល័យមេគង្គកម្ពុជា បានកំណត់ចក្ខុវិស័យរបស់ខ្លួនថាជាសាកលវិទ្យាល័យមួយ ក្នុងចំណោមសាកលវិទ្យាល័យដែលឈានមុខគេនៅក្នុងតំបន់អាស៊ីប៉ាស៊ីភិច ដែលមានបញ្ញាវន្ត ជាតិ និងអន្តរជាតិមកពីគ្រប់មជ្ឈដ្ឋានទាំងអស់នៃសង្គម ដោយផ្តល់នូវតម្លៃជា សារវ័ន្តនៃការអប់រំ តាមរយៈ សីលធម៌ ចំណេះដឹង ការច្នៃប្រឌិត និងការផ្តួចផ្តើមគំនិតថ្មី។
បេសកកម្មរបស់សាកលវិទ្យាល័យមេគង្គកម្ពុជា គឺផ្តល់គុណភាព និងតម្លៃនៃការអប់រំកម្រិត ខ្ពស់ សម្រាប់បញ្ញាវន្តជាតិ និងអន្តរជាតិដែលមកពីគ្រប់មជ្ឈដ្ឋានទាំងអស់នៃសង្គម។ ក្នុងនាមជា ចលករនៃការផ្លាស់ប្តូរមួយ សាកលវិទ្យាល័យមេគង្គកម្ពុជាបំពាក់បំប៉ននិស្សិតនូវចំណេះដឹង និងចំណេះធ្វើដែលមានកម្រិតប្រសើរបំផុតតាមរយៈការដុសខាត់នូវជំនាញផ្នែកបញ្ញា វប្បធម៌ សីលធម៌ វិជ្ជាជីវៈ និងភាពជាសហគ្រិន។ សាកលវិទ្យាល័យមេគង្គកម្ពុជា អោយតម្លៃលើការអប់រំ តាមរយៈវិធីសាស្ត្ររៀន និងបង្រៀន គុណភាព ការស្រាវជ្រាវ សីលធម៌ គំនិតច្នៃប្រឌិត និងការផ្តួចផ្តើមគំនិតថ្មី។